അന്യായ വിധി
ന്യായ വിധിക്കായ് യേശു മഹേശൻ
ന്യായാധിപനുടെ മുന്നിൽ നിൽപ്പൂ
"അവനെ കൊല്ലുക,കൊല്ലുക-"
യെന്നാർത്തുവിളിപ്പൂ,പരീശന്മാർ
പീലാത്തോസിന്നരമനമുന്നിൽ
തടിച്ചുകൂടിയ ജനതതി കേൾക്കെ
കൈകൾ കഴുകിയവനുരചെയ്തു
വിശ്വപ്രസിദ്ധമായൊരു വിധിന്യായം
"പിലാത്തോസിൻ ന്യായ വിധി "
"കൊല്ലുകയരുത്,വിട്ടേക്കവനെ"
ചൊല്ലീ നല്ലൊരു വിധിവാക്യം...
എഴുത്തുകാരതു കുറിച്ചതിൻ പടി
നടത്തിയല്ലോ വിധിന്യായം .
കുറിച്ചെടുത്തവനെഴുതിയതിപ്പടി
കൊല്ലുക,അരുത് വിട്ടേക്കല്ലേ ,
"കൊല്ലുക,അരുത് വിട്ടേക്കല്ലേ"
അശ്രദ്ധയോടെ എഴുതിയതിൻ
ഫലമതെത്ര കഠിനം ചിന്തിക്കൂ....
No comments:
Post a Comment