സ്ത്രീധനമോ,"സ്ത്രീ" ധനമോ
പെണ്ണിന്നഴക് പൊന്നോ?
പൊന്നിന്നഴകു പെണ്ണോ?
പെണ്ണിനാണഴക്, പക്ഷെ,
പൊന്നിനു വിലയേറിടും.
പെണ്ണണിഞ്ഞില്ലെങ്കില്
പൊന്ന് വെറും മണ്ണ്,
പൊന്നണിഞ്ഞില്ലെങ്കിലീ,
പെണ്ണിന് വിലയുണ്ടോ ?
കല്യാണം വെറുമൊരു
ക്രയ- വിക്രയമായിതോ?
കഷ്ടം, വില്പന ചരക്കിന്
വിലയില്ലിവിടെന്നാല്,
വാങ്ങുവാന് വരുവോര്
കാശിനായ് പേശീടുന്നു ,
വാങ്ങുന്നു, പെണ്ണിനൊപ്പം
പണവും പൊന്നും പിന്നെ
കല്യാണ ചിലവതും.
"സ്ത്രീധന" മില്ലാതെയീ "
സ്ത്രീ", ധനമായ് മാറി,
പത്തര മാറ്റുള്ള, തനി
തങ്കമാം പെണ്ണിന് വില
കുത്തനെ ഉയരുന്ന കാലം
വന്നണയുവതെന്നാണ്,
അന്നേയീനാട്ടില് "ശ്രീ"
ശ്രീലമായ് വിളയാടൂ ..
.
No comments:
Post a Comment