മൃതസഞ്ജീവനി

മൃതസഞ്ജീവനി 

മഴ ഒരു വരമാണ് 
മരം ഒരു വരമാണ് 
മഴയില്ലെങ്കിൽ മരമില്ല 
മരമില്ലെങ്കിൽ മഴയില്ല 
മഴയും മരവും ചേർന്നെന്നാൽ   
വനമുണ്ടാകാം, പുഴയുണ്ടാകാം 
പുഴയൊഴുകുന്നൊരു നാടിന്നേ 
അഴകുണ്ടാകൂ,മിഴിവുണ്ടാകൂ..
പുഴകൾ പുഷ്കലമായീടാൻ  
മഴ ധാരാളം പെയ്യേണം .

കാടുകൾ വെട്ടി വെളുപ്പിക്കാതെ, 
മേടുകൾ വെട്ടി നിരത്തീടാതെ, 
കൂടാം നമ്മൾക്കേവർക്കും  
തീർക്കാം പുതിയൊരു സമരമുഖം 
മരങ്ങൾ നട്ടു പിടിപ്പിക്കാം 
നശിച്ചിടാതെ കാത്തീടാം 
ഭൂമിക്കൊരു കുട തീർത്തീടാം 
പച്ചപ്പിൻ കുട ചൂടിക്കാം 
മരണാസന്നം നമ്മുടെ നദികൾ  
മൃതസഞ്ജീവനി നുകരട്ടെ! 
മഴയുടെ മൃതസഞ്ജീവനി നുകരട്ടെ!