ദുഃഖ പുത്രിയോട്

മോഹമഴവില്ലു താഴെ വീണുടയുമ്പോൾ
ആഴങ്ങളിൽ,ദുഖത്തിന്നാഴങ്ങളിൽവീണു
നീന്താൻ ശ്രമിക്കുമീയേകാകിയാത്മാവിൻ
നീറുന്ന വേദന,വിതുമ്പിത്തുളുമ്പുന്നു

വേദനയുള്ളിലൊതുക്കി നീ പുഞ്ചിരി
വാരിവിതറാൻ ശ്രമിക്കുമ്പോഴൊക്കെയും    
വേപഥ പൂണ്ട് നിൻ മുഖം കാണുമ്പോൾ  
വേദന തിങ്ങുന്നിതെൻ നെഞ്ചകത്തിലും  

വാനിൽപ്പറക്കേണ്ട വർണ്ണശലഭത്തെ
വാതിലടച്ചു നിശാശലഭമാക്കിടാൻ
വേവലാതി പൂണ്ട കാട്ടാള നീതിയെ
വെല്ലുവിളിച്ചു പറന്നുല്ലസിക്കുവാൻ
മെല്ലേക്കരുത്തു നീയാർജ്ജിക്ക കണ്മണീ..
ഇല്ല,തോല്ക്കാൻ  കഴിയില്ല നിനക്കിനി