മാവ് പൂക്കും മകരമാസം
മാവ് പൂക്കും മകരമാസം
മകര മഞ്ഞിൽക്കുളിച്ചീറൻമാറാതെ
മരുവുമാപ്പുഞ്ചവയലിന്റെയോരത്തു
കുളിരുമാറ്റുവാൻ ഇളവെയില് കൊള്ളുന്നു
തളിര് പോലൊരു പെണ്കൊടി സുസ്മിതം..
മകരസമീരനിലുലയുമളകങ്ങളെ
കരപല്ലവത്താൽ മെല്ലെയൊതുക്കിയാ-
ക്കോമളാംഗി മേവുന്നലസമായ് ....
മിഴിയിണകളിൽ ഒളിമിന്നി നില്ക്കുന്നു,
മധുരാമാമേതോ സ്വപ്നത്തിന്നാലസ്യം ..
കവികൾ വർണ്ണിക്കും മലയാള ചാരുത
കവിയുകയാണായുവതി തൻ മിഴികളിൽ
അവൾ തന്നെയല്ലേ പ്രിയങ്കരിയാമെന്റെ
കുവലയമിഴിയാളാം മലയാളം ?
മകര മഞ്ഞേറ്റു താരും തളിരുമായ്
മാകന്ദ ശാഖികൾ മാടിവിളിക്കുന്നൂ ..
മാന്തളിരുണ്ടു മനം കുളിർക്കെപ്പാടാൻ
കോകില ഗായകരെന്തേ വരുന്നീല ?
മകരവും കുളിരുന്ന മഞ്ഞും മാമ്പൂക്കളും
മറന്നുവോ മലയാള നാടും കിളികളും
ഇനിവരാതെയായെന്നോ മധുമാസം
ഇവിടെയീനാടിന്നൈശ്വര്യ നാളുകൾ?
മാവ് പൂക്കും മകരമാസം
മകര മഞ്ഞിൽക്കുളിച്ചീറൻമാറാതെ
മരുവുമാപ്പുഞ്ചവയലിന്റെയോരത്തു
കുളിരുമാറ്റുവാൻ ഇളവെയില് കൊള്ളുന്നു
തളിര് പോലൊരു പെണ്കൊടി സുസ്മിതം..
മകരസമീരനിലുലയുമളകങ്ങളെ
കരപല്ലവത്താൽ മെല്ലെയൊതുക്കിയാ-
ക്കോമളാംഗി മേവുന്നലസമായ് ....
മിഴിയിണകളിൽ ഒളിമിന്നി നില്ക്കുന്നു,
മധുരാമാമേതോ സ്വപ്നത്തിന്നാലസ്യം ..
കവികൾ വർണ്ണിക്കും മലയാള ചാരുത
കവിയുകയാണായുവതി തൻ മിഴികളിൽ
അവൾ തന്നെയല്ലേ പ്രിയങ്കരിയാമെന്റെ
കുവലയമിഴിയാളാം മലയാളം ?
മകര മഞ്ഞേറ്റു താരും തളിരുമായ്
മാകന്ദ ശാഖികൾ മാടിവിളിക്കുന്നൂ ..
മാന്തളിരുണ്ടു മനം കുളിർക്കെപ്പാടാൻ
കോകില ഗായകരെന്തേ വരുന്നീല ?
മകരവും കുളിരുന്ന മഞ്ഞും മാമ്പൂക്കളും
മറന്നുവോ മലയാള നാടും കിളികളും
ഇനിവരാതെയായെന്നോ മധുമാസം
ഇവിടെയീനാടിന്നൈശ്വര്യ നാളുകൾ?
No comments:
Post a Comment