ദീപമേ നയിച്ചാലും
ദീപമേ നീ നയിച്ചാലും
നീ നയിക്കുക ഞങ്ങളെ
വിശ്വദീപമേ നീ നയിച്ചിടൂ....
ക്ഷണികമാണെങ്കിലും നിൻ
ജന്മമെത്രയൊ സഫലമാം..
കുറിയ രൂപമാണെങ്കിലും നീ
ഇരുള് നീക്കി,പ്രഭ പരത്തിടും
ഉരുകിടുന്നു നിൻ മേനി,യപ്പോഴും
കതിരൊളി തൂകും മാനസം ..
സ്വന്ത ജീവന്നിതരർക്കായ്
ബലിയണച്ചൊരു നാഥൻ തൻ
സ്തുതികൾ പാടി നീ നിന്നിടും
ഒരു മെഴുതിരി തൻ ജന്മമായ് ...
അരിയ ദീപമേ മെഴുതിരീ...
അഖിലലോക പ്രശസ്ത നീ
ഭക്തർ തന്നകക്കണ് തുറക്കുവാൻ
കത്തി നില്ക്കുന്നു നീ സദാ....
ദീപമേ നീ നയിച്ചാലും
വിശ്വദീപമേ നീ നയിച്ചിടൂ ..
No comments:
Post a Comment