ഉപ്പ്
ഉപ്പിനുപ്പുകൂടുമെന്നൊരു പക്ഷം
ഉപ്പിനുപ്പൊട്ടുമേയില്ലെന്നപരരും.
ഉപ്പിനുപ്പല്ലാതെയിനിപ്പു-
ണ്ടാകുമോയെന്നിതരരും.
ഉപ്പോളം വരില്ലുപ്പിലിട്ടതെന്നതു
സത്യമാണെന്നതുപോലെ,
ഉറകെട്ടുപയോഗശൂന്യമാ-
മുപ്പു പോലാകരുതു ജീവിതം.
ഉപ്പുചാക്കിറയത്തു നാം
തള്ളിടുന്നപോല്,ചിലര്
വൃദ്ധരാം പിതാക്കളെ,
വൃദ്ധമന്ദിരം തന്നിലായ്
തള്ളിടുന്നതു കാണുകില്,
ഉപ്പ് പോലലിഞ്ഞിടും,
ശിഷ്ടര് തന്മനമെന്നാലും
ദുഷ്ടരായിടും മക്കള്തന്
മനസ്സലിയുക ദുഷ്കരം.
ഉപ്പുംകൂട്ടിതന്നെയാണവരന്നം
കഴിച്ചുവെന്നാകിലോര്ത്തിടൂ
തിന്ന ചോറിനു നന്ദിയേകിടാന്
നായ്ക്കള് പോലും മറന്നിടാ .
No comments:
Post a Comment