ഭസ്മാസുര കഥയോര്ക്കാം
അണു, അത് നല്കും
തനിയൂര്ജ്ജം, ചെറുതാണോ?
അനു, അനു നിമിഷം,
പുകയുന്നോ,ജന മനസ്സില്?
അണുശക്തി, ശരിയായി,
വിനിയോഗം ചെയ്യാഞ്ഞാല്
വരലബ്ധി നേടിയ ഭസ്മാസുര,
കഥ യോര്ക്കാം..
അണുശക്തി നിലയങ്ങള്,
പല നാടും മതിയാക്കി.
അത് നമ്മുടെ രാജ്യത്തില്
ഇനിയെന്തിനു, ചിന്തിക്കൂ
വികസിത രാജ്യങ്ങള്
പുറം തള്ളും കാര്യങ്ങള്
നാമെന്തിനു നമ്മുടെ
തലയില് താന് പേറുന്നു.
നമ്മുടെ ജനത തന്
ജീവന് വിലയില്ലേ ?
ഭോപാല് ദുരന്തത്തിന്,
ഭീകര ദൃശ്യങ്ങള്
വേഗംമറന്നീടാ-
നാവുമോ,സഹജരെ.
കൂടംകുളത്തിലെ
ആണവ നിലയങ്ങള്
കൂട്ടകുരുതി തന്,
ചിതയായി മാറുമോ?
No comments:
Post a Comment