കാര്ത്തിക ദീപങ്ങള്
ആകാശ മുറ്റത്തോരായിരം ദീപങ്ങള്
ആരാരുമറിയാതെ തെളിയിച്ചതാരോ
അമ്പിളി പെണ്ണു തന് വീട്ടുമുറ്റത്ത്
കാര്ത്തിക ദീപം തെളിയിച്ചതല്ലേ?
മഹേശ്വരനാം മഹാ ദീപത്തില്നിന്നും
വൃശ്ചികമാസത്തിന്കാര്ത്തിക നാളില്
ആറുപൊന്ദീപം കൊളുത്തിയുണ്ടായത്രേ
ആറുമുഖമുള്ള ശൈവ കുമാരന്.
ആറു പേരപ്സര കന്യകമാരവര്
ശരവണ പൊയ്കയില് നീന്തിതുടിപ്പവര്
പോറ്റിവളര്ത്തിയ കാര്ത്തികേയനാം
ശൈവ കുമാരന് ശ്രീമുരുകേശന് തന്
ജന്മ നാളായിടും വൃശ്ചിക കാര്ത്തിക
നന്മ തെളിയും പുണ്യ ദിനമല്ലോ
No comments:
Post a Comment