തെറ്റ്

              തെറ്റ് 

തെറ്റുചെയ്യുകയെന്നതു മനുഷ്യ സഹജമാം  
തെറ്റുകൾ നാം ചെയ്യാതിരിക്കാൻ ശ്രമിക്കണം 
കൂട്ടുകാർ, ചിലർ,തെറ്റിന്നീറ്റില്ലം ഒരുക്കുവോർ 
കൂട്ടുകാരി"ഹവ്വ"തൻ പ്രേരണ മൂലമല്ലോ 
കല്പന,തെറ്റിച്ചവൻ,"ആദവും" തെറ്റ് ചെയ്തു. 
ആദ്യത്തേ തെറ്റായത് ചരിത്രം ഘോഷിക്കുന്നൂ . 

തെറ്റ് ചെയ്താലതു തെറ്റാണെന്നറിയേണം.
തെറ്റ് തിരുത്താനായാർജ്ജവം കാട്ടിടേണം. 
തെറ്റുംശരിയുംവേർതിരിച്ചറിഞ്ഞീടാൻ    
ത്രാണിയുണ്ടാകണം,ജ്ഞാനമാര്ജ്ജിക്കണം. 
തെറ്റിനെ തെറ്റുകൊണ്ടു മറയ്ക്കാൻ ശ്രമിക്കല്ലേ  
ഇരുട്ടുകൊണ്ട് "ഓട്ട"യടയ്ക്കാൻ ശ്രമിക്കാമോ ?
തെറ്റുകളാവർത്തിച്ചു ചെയ്യാതെയിരിക്കുവാൻ   
തെറ്റാത്ത പ്രതിജ്ഞയിൽ മനസുറയ്കണം 
മന:ശക്തിയുണ്ടാകണം,മനനം ചെയ്യണം 
മനനം ചെയ്യുന്നവൻ മനീഷിയാണത്രേ    

മനീഷിയും ഒരു മനുഷ്യനാണല്ലോ?
മനുഷ്യനായാലവൻ തെറ്റു ചെയ്തിടും